Хәажәкыра 8 рзы Аныҳәатә концерт

Хәажәкыра 8 рзы Аныҳәатә концерт

Ҳахаара аҳәсақәа!

Ишәыдаҳныҳәалоит иааиуа  Хәажәкыра 8, шәааҳаҧхьоит аныҳәатә концерт ашҟа!

Хәажәкыра 6, асааҭ 19:00 рзы Р.Џь.Гәымба ихьӡ зху Аҧснытәи аҳәынҭқарратә филармониаҿы имҩаҧгахоит Жәларбжьаратәи аҳәса Рымш иазку аконцерт “Сгәацаҧха, сыхаара”.

Ари аныҳәатә усмҩаҧгатә аиҿкаара аидеиа авторс дамоуп Аҧсны  зҽаҧсазтәыз артист  Џьансыхә Чамагәуа. Аҧсны зҽаҧсазтәыз артист, акомпозитор Пиотр Петров ари аконцерт азы ҷыдала иҩит аҧсуа композициақәа зегьы рзы аоркестртә партитура. Урҭ акомпозициақәа аконцерт аҿы инанагӡоит  Аҧсны зҽаҧсазтәыз артист, адирижиор Давид Терзиан напхгара зиҭо Аҧснытәи аҳәынҭқарратә камертә оркестр.

Аҳәынҭқарратә филармониа асценаҿы Џьансыхә Чамагәуеи жәларбжьаратәи афестивальқәа акыр рҿы Гран-При занашьахахьо ашәаҳәаҩ Ҭемыр Ҭаниеи инарыгӡеит аҧсышәала аестрадатә шәақәа.

Ишәзеиҕьаҳшьоит агәеизҳареи, агәалаҟазаара бзиеи, илашоу, ибзиоу ахҭысқәеи. Ааҧынтәи ари аныҳәазы инагӡахааит шәгәазыҳәарақәа зегьы, ишәыгымхааит   ачча-гәырҕьара!

Хәажәкыра 6, 19:00. Аҧснытәи аҳәынҭқарратә филармониа, аҩналара хәыда-ҧсадоуп.

ИАЕ «АҞӘАФОН-GSM» адәныҟатәи аимадарақәа рыҟәша