Очамчыра ақалақьтәи ашкол-интернат аҿы имҩаҧган В.Г. Арӡынба игәалашәара иазку ахәылҧаз

Очамчыра ақалақьтәи ашкол-интернат аҿы имҩаҧган В.Г. Арӡынба игәалашәара иазку ахәылҧаз

Мшаҧы 28 рзы Очамчыра ақалақьтәи ашкол-интернат аҿы имҩаҧысит Аҧсны Раҧхьаӡатәи Ахада Владислав Григори-иҧа Арӡынба диижьҭеи 70 шықәса аҵра иазкыз алитература-сахьаркыратә хәылҧазы.

“Жәлар ргәыҕра лабҿабазтәыз...” – абас ахьӡырҵеит ари ахәылҧаз уи аиҿкааҩцәа. Аиҵбыратәи аклассқәа рҿы итәоу инадыркны аушьҭымҭацәа рҟынӡа ашколхәыҷқәа ашкол акттә зал асцена аҟнытә ахәаҧшҵәа ирзеиҭарҳәон жәларык ргәыҕра аҧсҭазаара иалазырҵәаз Ауаҩы иӡбахә. Ашколхәыҷқәа иқәдыргылеит аиааира згаз аҧхьагыла, афырхаҵа –  Владислав ихаҿсахьа, ирыҧхьон В.Г. Арӡынба изку еицырдыруа апоетцәа ражәеинраалақәа, иадырҳәон амилаҭтә музыкатә инструментқәа. Аҵаҩцәа аӡәырҩы ари амш азы ҷыдала ирҩит Владислав Арӡынба изкны рхатәы жәеинраалақәа.

Ари ахәылҧаз сасцәаны иаҭан Аҧсны абыргцәа Рхеилак аиҳабы Константин Озган, аҵареи аҭҵаарадырреи рминистр Адгәыр Какоба, аполитик, ауаажәларратә усзуҩы Иақәыҧ Лакоба.

Ашкол-интернат аиҳабыра рҟынтә ааҧхьара роуит АҞӘАФОН аусзуҩцәагьы. АҞӘАФОН ахаҭарнакцәа ари ахәылҧаз ашҟа напы ҭацәыла имнеит. Урҭ ашкол-интернат ҳамҭас иазнаргеит ашколхәыҷқәа рыҧсшьарҭатә зал аҿы иқәдыргыло аплазматә телевизор ду.

«АҞӘАФОН-GSM»  адәныҟатәи аимадарақәа рыҟәша