Агәыӡера аҳаблаҿы АҞӘАФОН Амаҵзуратә Центр ҿыц аартра.

Агәыӡера аҳаблаҿы АҞӘАФОН Амаҵзуратә Центр ҿыц аартра.

Рашәара 22 рзы Гәылрыҧшь араион,  Агәыӡера аҳаблаҿы иаартын АҞӘАФОН абонентцәа Рмаҵзуратә центр. АҞӘАФОН ахатә ҳа  Амаҵзуратә Центрқәа рыла  аизырҳара иазку апрограмма аларҵәара иалагеижьҭеи  ари ацентр жәиҧшьтәиуп раҧхьатәи амобилтә еимадара иаанартхьоу. 10 шықәса рыҩныҵҟала АҞӘАФОН Амаҵзуратә Центрқәа ҳреспублика араионқәеи ақалақьқәеи шамахамзар зегьы рҿы ицәырҵхьеит.  Амаҵзуратә центр ҿыц адизаин апроект аус адылулеит адизаин-архитектор қәыҧш Кама Кациаҧҳа.

 Аҭыҧ алхра машәыршәа иҟамлаӡеит.  Аҧсны аҳҭнықалақь аҟнытә Агәыӡеранӡа 16 км роуп ибжьоу, уи иҭынчу ҳаблоуп. Араҟа аҧсҭазаара ҭынч имҩасуеит, апарк аҿы аевкалиптҵла абыҕьқәа ршәыршәырреи, амшын аҟәандареи, агәырҕьареи, амузыкеи ирхылҵуа абжьқәа рыла мацара иҭәны.

Амаҵзуратә Центр ҿыц аҟны ахархәаҩцәа ирзыҧшуп зыҩаӡара ҳараку асервис, иара убасгьы иахәҭоу аквалификациа  змоу аспециалистцәа рыҟнытә зхаҭабзиара ҳараку амаҵзура.

АҞӘАФОН Амаҵзуратә Центр ҿыц аартра иазкыз ацеремониа иалахәын Гәылрыҧшь араион ахадара рхаҭарнакцәеи, ақалақьуааи, асасцәеи.  Аныҳәатә аартра традициала ихацыркын ацаха ҟаҧшь ахҵәарала. Ари аусмҩаҧгатә асасцәа рҿаҧхьа ицәырган аинтерес зҵаз аныҳәатә программа, афуршеҭ, аицлабрақәеи аҳамҭақәеи.

 Амаҵзуратә Центрқәа еснагь АҞӘАФОН акциақәа ахьымҩаҧырго,  уи алахәылацәа аҳамҭақәа ахьрырҭо ҭыҧқәоуп.  АҞӘАФОН аусзуҩцәа рзы урҭ акциақәеи, архәмаррақәеи, авикторинақәеи  ихадоу цхыраагӡақәаны иҟоуп абонентцәеи дареи русеицураҿы. Хаҭала убри азоуп АҞӘАФОН есааира уи ахырхарҭа аизырҳара изаҿу. АҞӘАФОН аусураҿы  ҧыжәара зманы иҟоу уи  иахьа иамоу ахархәаҩцәеи наҟ-наҟтәи абонентцәеи икомфорттәу, иманшәалоу аҭагылазаашьа рзаҧҵароуп.

 «АКВАФОН-GSM»адәныҟатәи аимадарақәа рыҟәша