Атарифтә планқәа “Еснагь аимадараҿы” рцәаҳәа арҿыцра

Атарифтә планқәа “Еснагь аимадараҿы”  рцәаҳәа арҿыцра

2016 шықәса, ҧхынгәы 28 инаркны рцәаҳәатә ҭагылазаашьа еиҕьтәуп атарифтә планқәа рсериа “Еснагь аимадараҿы”.

Атарифтә планқәа рсериа “Еснагь аимадараҿы” - зегьы иреиҕьу вариантуп ирацәаны ицәажәо, асалам  шәҟәқәа еимыздо, Аинтернет активла зхы иазырхәо абонентцәа рзы!

Атарифтә планқәа рсериа “Еснагь аимадараҿы” ахадаратә ҧҟаррақәа рҽырыҧсахӡом – абонент имазаауеит злимит ҧкым аҭел асрақәа АҞӘАФОН аҳа аҩныҵҟа, иара убас Аҧсны ақалақьтә номерқәа рышҟа, ҳәаа змам хыҧхьаӡарала  SMS-дырраҭарақәа, зҳәаа ҧкым Аинтернет, убасгьы  шәагала еиуеиҧшым аминуҭқәа рпакетқәа  Аҧсны егьи амобилтә оператор ишҟа.

Атарифтә планқәа рсериа “Еснагь аимадараҿы” иалагалахоит аҧсахрақәа:

1.Абоненттә хәҧса ҳарамкӡакәа, атарифтә планқәа “Еснагь аимадараҿы М” иара убас “Еснагь аимадараҿы L” рҟны   жәларбжьаратәи ахырхарҭақәа  рышҟа  50 минуҭ ацҵахоит.

2.Есымзатәи Аинтернет-пакет анынҵәалак ашьҭахь, злимит ҧкым Аинтернет арласра  ҩынтә иазырҳахоит – секундк 128 кбит рҟынӡа.  Уажәшьҭарнахыс еиҳагьы иманшәалахоит  Аинтернет-мессенџьерқәа рхархәара (WhatsApp, Viber, Facebook Messenger уҳәа егь.)