Амаҵзура “Асиа еиқәаҵәа” абонент инаҭоит алшара, асиа еиқәаҵәа ианҵаны иҳәаақәҵоу аномерқәа рҟнытә иалало асрақәеи SMS-аацҳамҭақәеи азин рымҭара. Ааҧхьара ҟазҵо абонент иномер “Асиа еиқәаҵәа” ианызар, аҭакс уи иаҳауеит “Ииашамкәа аномер ылхуп” ҳәа адырраҭара.

 Амаҵзура ахәҧса

Аҿакратәи/аҿыхратәи маҵзура – 0 мааҭ.

Аномер ацҵареи/аҧсахреи/аҧырхреи – 0 мааҭ.

Абоненттә хәыхшәаара  – 1 мааҭк уахыки-ҽнаки (“Асиа еиқәаҵәа” иану аномерқәа рхыҧхьаӡара  заҟа ыҟазаалакгьы).

Амаҵзуразы абоненттә хәыхшәаара, иааиуа уахыки-ҽнаки рзы аванс ҳасабла  уахынлоуп иананырхуа.

Амаҵзура напхгара аҭара

Амаҵзура “Асиа еиқәаҵәа” аҿакреи/аҿыхреи амзартә мза иарбан мшызаалак азы иалыршахоит. Амаҵзура аус ауеит, абоненттә хәыхшәаарагьы ылырхуеит иара абонент ихаҭа уи амаҵзура аҿихаанӡа.  Амаҵзура аусура аҿҳәара ҧкӡам.  Абонент ихацыркрала амаҵзура анаҿыхха ашьҭахьгьы, даҽазнык уи ианиҭахха аҿакра алыршахоит.

Амаҵзура аҿакреи/аҿыхреи абонент имҩаҧигоит:

• икьаҿу USSD-акомандақәа ицырхырааны:

*135# - амаҵзура “Асиа еиқәаҵәа” аилкааразы;

*135*00# -  амаҵзура “Асиа еиқәаҵәа” астатус;

*135*01*7ХХ ХХХ ХХ ХХ# - аномер “Асиа еиқәаҵәа” ацҵара, аусура аларгара,

араҟа  7ХХ ХХХ ХХ ХХ  -  “Асиа еиқәаҵәа” иацлоит аномер жәларбжьаратәи аформат аҿы инҭырҭәааны, адырга + ацымҵакәа;

*135*02# - амаҵзура “Асиа еиқәаҵәа” аҿыхра;

*135*03# -  “асиа еиқәаҵәа” аҿы иҟоу аномерқәа рсиа ахәаҧшра;

*135*04*7ХХХХХХХХХ# -  “асиа еиқәаҵәа” аҟнытә аномер ақәгара.

• USSD-амениу *100#;
• асервис “Ахаламаҵзура асистема”;
• абонент Амаҵзуратә Ҭыԥ ашҟа даннеилак.

Иҷыдоу аҭагылазаашьақәа:

1. Аиуристтә хаҿқәеи акорпоративтә абонентцәеи рзы амаҵзура “Асиа еиқәаҵәа” аҿакреи/аҿыхреи мҩаҧысуеит изыцҵоу аклиент имаҵ ауразы  аҿакреи/аҿыхреи иазкны иҩу арзаҳал ала: акорпоративтә хархәаҩцәа аус рыдуларазы аменеџьер иҿы, мамзаргьы абонентцәа Рмаҵзуратә Ҭыԥ аҿы. 

2. Абонент  жәларбжьаратәи ароуминг аҿы даныҟоу ари амаҵзура аус амур алшоит.

3. Амаҵзура рхы иадырхәар алшоит аҿакразы иаарту ахәхшәааратә планқәа змоу абонентцәа.

Иацу аҭагылазаашьақәа:

1. USSD-аканал  ала амаҵзура анаҿаку, “Асиа еиқәаҵәа” ианҵоу аномерқәа зегьы рзы  ишьақәыргылахоит иаку автоинформатор “Ииашамкәа илху аномер”.

2. “Ахаламаҵзура асистема” асервис ала  амаҵзура анаҿаку иалшоит “Асиа еиқәаҵәа” ианҵоу конкретла аномерқәа рзы еиуеиҧшым хаз-хазы аинформациа аҟаҵара: “Деилахоуп”, “Мап ацәкуп”, “Изнеиуам”, Ииашамкәа илху аномер”.

 3. “Асиа еиқәаҵәа” амаҵзура анаҿеик ашьҭахь абонент ихатәы, мамзаргьы аиуристтә хаҿқәа рзы ахәхшәааратә план иҧсахыр, уи аҿы “Асиа еиқәаҵәа” амаҵзура азҧхьагәаҭамзар, ахәхшәааратә план ҿыц аҟны амаҵзура “Асиа еиқәаҵәа” аусура иаҟәыҵуеит. Аха  абонент “Асиа еиқәаҵәа” амаҵзура анаҿеик ашьҭахь ихәхшәааратә план иарбанзаалак уи амаҵзура ахьазҧхьагәаҭоу ахәхшәааратә план ала иҧсахыр, усҟан амаҵзура “Асиа еиқәаҵәа” аус шауа иаанхоит.  Аконтракт аҧсахраан амаҵзура аусура аанкылахоит.

Азгәаҭа:

1. Амаҵзура “Ибзоу ноль” “Асиа еиқәаҵәа” амаҵзура иаҵанакӡом.  Абаланс ноль аҿы ианыҟоу, ма ҵаҟа ицаны ианыҟоу “Асиа еиқәаҵәа” иану аномерқәа рҟнытә асрақәа  абонент иҭел ашҟа инеиуеит.

2. Амаҵзура “Асиа еиқәаҵәа” аус ауеит “Асиа еиқәаҵәа” ианҵоу абонент иномер аҳа ианеилнакаауа. Ус акәымкәа, абонент иномер аҳа ала ианеилкаамха, иаҳҳәап, АТС аналогқәа рҟнытә асрақәа, мамзаргьы  ақалақьбжьаратәи асрақәак раан иалало ааҧхьара неиуеит абонент иҭел ашҟа. 

3. “Асиа еиқәаҵәа” ианырҵо аномерқәа рхыҧхьаӡара ҧкӡам.

Амаҵура «Аномер Аилыркааҿагыла» алшара шәнаҭоит  АҞӘАФОН аимадара аномерқәа рахь асраан  шәтелефон аномер  имаӡаны ааныжьра.

Ишыҟаҵәҟьоу ала иасуа абонент ителефон аҟны амаҵзура «Аномер аилыркааҿагыла» аус анауа, дыззасуа абонент изасуа  иномер ибартә иҟалом. Абонент илшоит ихала иномер аилкаара аус ауртә/иамуртә аҟаҵара, уи амаҵзура «Аномер аилыркааҿагыла» анизаҿаку, ателефон амодельқәа реиҳарак рҿы амениу ацхыраарала.

Амаҵура «Аномер аилыркааҿагыла» ухы иаурхәар ҟалоит  абоненттә хәыхшәаара аԥара  ҩ-ԥарахыхшьак рыла:

•  есыҽны, мызкы аҩныҵҟа иеиҟароу ахәҭақәа рыла  иеихшаны;
• аамҭакала, амза алагамҭазы заа ашәарала.

Амаҵзура абаҿактәу?

Амаҵзура «Аномер аилыркааҿагыла» аҿакра идгалахоит арадиотелефонтә еимадара Иарку Акционертә Еилазаара (ИАЕ) «АҞӘАФОН-GSM» рмаҵзурақәа рыдгалара иазку аиқәшаҳаҭра зыхьӡала иҟоу абонент мацара  Абонентцәа Рмаҵзуратә Ҭыԥ  аҟны, иара  ихаҭара аазырԥшуа адокумент (апаспорт) анрыдигалалак, мамзаргьы амаҵзура  аҿакхар ҟалоит «Ахаламаҵзура асистема» амаҵзура ахархәарала, акоммерциатә хәыхшәааратә планқәа рабонентцәа зегьы амаҵзура зхы иазырхәарц зылшо, акорпоративтә хәыхшәааратә планқәа аламҵакәа.

Амаҵзура «Аномер аилыркааҿагыла» USSD-адҵақәа рыла напхгараҭара: 

Амаҵзура «Аномер аилыркааҿагыла» иазку аилыркаага:

*122# - аилыркаага амаҵзуразы азҵаатәы

 Амаҵзура аҿакра/аҿыхра:             

*122*01# - амаҵзура «Аномер аилыркааҿагыла» аҿакра аамҭа-аамҭала ахә ахыхрала ~ 1,67 мааҭ/мышкы. Абоненттә хәыхшәаара ахыххоит есыҽны, еиҟароу ахәҭақәа рыла уахынла.

*122*02# - амаҵзура «Аномер аилыркааҿагыла» аҿакра аамҭакала ахә ахыхра – 50  мааҭ/мызкы.

Амаҵзура астатус ишахәаԥштәу:

*122*00# - амаҵзура астатус  иазку аинформациа азыҳәара.

Амаҵзура шаҿыхтәу:

*122*03# - амаҵзура аҿыхра.

Амаҵзура «Аномер аилыркааҿагыла» анапхгаразы USSD-адҵақәа рыла иҷыдоу аҭагылазаашьақәа:

1. Амаҵзура «Аномер аилыркааҿагыла» анапхгаразы USSD-адҵақәа рыла абонентцәа ирыдгалахоит аҿакразы иаарту ахәхшәааратә планқәа рҿы: АПЕЛЬСИН, АҞӘАМАРИН, АҞӘАМАРИН ЛАИТ, И+ЫЦУ 300, ЛИМИТДАТӘИ, ФРЕШ, ИНФИНИТИ.

2. Аиуристтә хаҿқәа ироуеит алшара амаҵзура анапхгараҭаразы агәрагаратә хаҿы ҩралатәи изыҳәарала. Амаҵзура анапхгараҭара рзаҿаркуеит Амаҵзуратә Ҭыԥ  аҿы.

3. Акредиттә абонетцәа амаҵзура рыдгалахоит егьырҭ абонентцәа рзы еиԥш.

Ахшыҩзышьҭра!

Шәара шәыззасуа абонент амаҵзура «СуперАОН» изаҿакызар, усҟан Шәара шәабоненттә номер шәыззасуа изы еилкаахоит, амаҵзура «Аномер аилыркааҿагыла» шаҿакугьы.

Шаҟа иаԥсои?

Амаҵзура «СуперАОН» алшара шәнаҭоит «имаӡоу аномерқәа» рыла иасуа абонентцәа  рномерқәа реилкаара, даҽакала иуҳәозар, амаҵзура «Аномер аилыркааҿагыла» ззаҿаку абонентцәа рномерқәа.

Амаҵзура «СуперАОН» анаҿаку «имаӡоу аномер» шәтелефон аекран аҿы ицәырҵуеит аформат +#шәыззасуа абонент иномер жәларбжьаратәи аформат аҟны# ала.

Амаҵзура «СуперАОН» рыдгалахоит Иарку Акционертә Еилазаара «АҞӘАФОН-GSM» ахәхшәааратә планқәа рабонентцәа зегьы, архивтәқәа, хаҭалатәи, иара убас аиуристтә хаҿқәа уахь иналаҵаны.

Амаҵзурақәа рыхә

Амаҵзура аҿакра/аҿыхра – 0 мааҭ.

Абоненттә хәыхшәаара – 350 мааҭ/мызкы.

Амаҵзуразы абоненттә хәыхшәаара ахыххоит уахынлатәи аамҭазы, есыҽны амза амшқәа иеиҟараны ирызшаны.

Амаҵзура анапхгараҭара

«СуперАОН» амаҵзура аҿакра/аҿыхра ҟалоит иарбан мшызаалакгьы. Амаҵзура аус ауеит, абоненттә хәыхшәаарагьы ахыхлахоит абонент амаҵзура аҿихаанӡа.

Абонент амаҵзура аҿакра/аҿыхра илшоит :

•  икьаҿу USSD-адҵақәа рыла:

*123# – амаҵзура «СуперАОН» аилыркаага;

*123*00# – амаҵзура «СуперАОН» астатус;

*123*01# – амаҵзура «СуперАОН»  аҿакра;

*123*02# – амаҵзура «СуперАОН»  аҿыхра.

•  USSD-амениу *100#: амениу апункт 3. Амаҵзурақәа – > 1. Изыцҵоу амаҵзурақәа – > 7. СуперАОН;

• «Ахаламаҵзура асистема» асервис Аилахәыра асаит аҟны иаарту, «Амаҵзурақәеи ахәхшәаарақәеи» рыҟәшаҟны,  «Изыцҵоу амаҵзурақәа» шьаҭас иҟаҵаны;

• Абонентцәа Рмаҵзуратә Ҭыԥ  ахь абонент иадҵаалараан.

Иҷыдоу аҭыгылазаашьақәа

1. Амаҵзура аҿакра/аҿыхра  аиуристтә хаҿқәа рзы имҩаԥгахоит  агәрагаратә хаҿы абонентцәа Рмаҵзуратә Ҭыԥ  ахь арзаҳал аналеиҵалак.

2. Амаҵзура аҿакра/аҿыхра  акорпоративтә абонентцәа рзы имҩаԥысуеит  агәрагаратә хаҿы акорпоратив хархәаҩцәа рменеџьер ихьӡала арзаҳал аналеиҵалак.

Ахшыҩзышьҭара!

СуперАОН амаҵзура  ҳаҭырбарала аусура рзалыршахоит АҞӘАФОН абонентцәа рыҟнытә мацара иалало асрақәа. Егьырҭ аоператорцәа рыҟнытә  иалало асрақәа раан рномер аилкаара алыршахоит, аха уи азы аҭакԥхықәра ахы иаднаҵом.

Ателефонқәа рмодельқәа зегьы ари амаҵзура рызрыдкылаӡом. Ус еиԥш иҟоу амодельқәа рыҟны амаҵзура «Аилыркааҿагыла аномер»  змоу аномерқәа рҟынтәи   асрақәа   зеилкаахом.  Амаҵзура здызымкыло ателефонқәа рмодельқәа реиқәыԥхьаӡа рҿыцлахоит.

Амаҵзура «Шәысԥырхагамхан» АҞӘАФОН абонентцәа зегьы алшара рнаҭоит, уахыки-ҽнаки аҿҳәара аҭаны, ателефон аҿымхӡакәа иалало асрақәа зегьы ақәиҭымтәра. Усҟан амаҵзура аҿазкыз абонент алшара имоуп иарбанзаалак иалҵуа асрақәа рымҩаԥгара.

Амаҵзура «Шәысԥырхагамхан» ахархәаҩ иахь иасуа абонент иаҳауеит: «Абонент иахь шәзынаӡом. Асигнал ашьҭахь иааншәыжь аацҳамҭа».

Амаҵзура «Шәысԥырхагамхан» аҿазкыз абонент SMS-аацҳамҭала адырра иҭахоит изасуаз изы.

Амаҵзура аусура аҿҳәара – 24 сааҭ, амаҵзура аҿакразы аацҳамҭа USSD-адҵа анышьҭххалак инаркны.

Амаҵзура шаҿактәу/ишаҿыхтәу

Амаҵзура ишыҟаҵәҟьоу рзаҿакуп акоммерциатә ахәхшәааратә планқәа рабонентцәа зегьы, аиуристтә хаҿқәеи акорпоративтә ахәхшәааратә планқәа рабонентцәеи рыда.

Амаҵзура «Шәысԥырхагамхан» аҿакразы аиуристтә хаҿқәа АҞӘАФОН абонентцәа Рмаҵзуратә Ҭыԥ иадҵаалароуп.

Акорпоративтә хәыхшәааратә планқәа рабонентцәа амаҵзура «Шәысԥырхагамхан» аҿакразы АҞӘАФОН абонентцәа Рмаҵзуратә Ҭыԥ аҟны акорпоративтә хархәаҩцәа аус рыдуларазы аменеџьер идҵаалароуп. Амаҵзуратә Центр аҭызҭа: Аҭынчра Апроспект амҩа, 80.

Амаҵзура аҿакразы Шәара ишәышьҭыроуп USSD-азҵаатәы: *115*01#.

USSD-азҵаатәы аҿакразы ахә – 3,99 мааҭ (ахәԥсацҵазы ашәахтә алаҵаны).

Амаҵзура аҿыхразы ишьҭтәуп USSD-азҵаатәы: *115*02#. Ахә – 0 мааҭ.

Амаҵзура астатус, амаҵзура аҿаку аҿакыму агәаҭаразы ишьҭтәуп USSD-азҵаатәы: *115*00#. Ахә – 0 мааҭ.

Амаҵзуразы аилыркаага: *115#.

Азгәаҭа:

Амаҵзура «Шәысԥырхагамхан» аҿҳәара 24 сааҭ анынҵәалак иаразнак иаҿыххоит, абонентгьы иалало асрақәа зегьы астандарттә режим ала идикылоит.

Абонент илшоит амаҵзура аҿихыр 24 сааҭ нҵәаанӡа амаҵзура аҿыхра USSD-адҵала. Амаҵзура аҿакразы иарбанзаалак анаҩстәи азыҳәара ҿыц аԥара ахшәаатәхоит, иара ахә инақәыршәаны, амаҵзура аусура аҿҳәарагьы шьақәыргылахоит анаҩстәи 24 сааҭ USSD-адҵа анышьҭхалак: *115*01#

Амаҵзура «Адресеиҭакрала асра» Шәара ишәыцхраауеит ихадоу асра аҩмыжьра, шәара шәмобилтә телефон аҿы ишәыдышәкылартә алшара шәымамзар.

Амаҵзура алшара шәнаҭоит Шәара шәахь иалало иарбанзаалак асрақәа шәара иашәырбо амобилтә, ақалақьтә, ақалақьтә бжьаратә мамзаргьы жәларбжьаратәи аномер ахь аиагара.

Ари алашара шәнаҭоит ихадоу асра аҩшәмыжьра:

• Шәара аимадара иахьамкуа аҭыԥ аҿы шәыҟазар;
• Шәара шәтелефон ырцәазар;
• Шәтелефон  аккумулиатор тәазар;
• Шәномер ҭацәымзар.

Илшәх аномер асрақәа ииажәгарц ахьышәҭаху жәларбжьаратәи аформат ала:

+(атәыла акод) (арегион акод, мамзаргьы аоператор икод) (ателефон аномер)

Изыԥсои?

Адресеиҭакрала асра ахә иалалои иалҵуеи асрақәа задрес еиҭаку ателефон аномер  ахә иаҟароуп.

Амаҵзура «Адресеиҭакра» азы абоненттә хәыхшәаара ахыххом.

Амаҵзура шьаҭаркуп, аимадара АҞӘАФОН аҿакраан алагарҭатә пакет иалоуп.